Солтүстік Қазақстанда су тасқыны аймағында тұратын жергілікті тұрғындарды эвакуациялау шаралары жалғасуда. «ҚазМұнайГаз-Аэро» ЖШС Қорғаныс министрлігі мен Ұлттық ұланның эвакуациялық тікұшақтарын жанармаймен жедел қамтамасыз ету жұмыстарын жүргізуде. Осы мақсатта облысқа арнайы техника жұмылдырылған.
Ақтөбе облысының Ырғыз ауданында «ҚазМұнайГаз-Аэро» ЖШС қызметкерлері жанармай құю техникасын пайдалана отырып, шалғайдағы Нұра, Тәуіп елді мекендеріндегі халықты эвакуациялауға және жолсыз қалған ауылдарға азық-түлік пен дәрі-дәрмек жеткізуге жұмылдырылған эвакуациялық тікұшақтарға жанармай құю жұмыстарын жүргізуде. Сонымен қатар, Ақтөбе облысы әкімдігінің тапсырысы бойынша 3 млн теңгеге қосымша 10 тонна жазғы дизель отыны (ЖДО) жіберілді.
Ағымдағы жылдың 13 – 15 сәуір аралығында Атырау облысына 15,4 млн теңгеге қосымша 53,8 тонна ЖДО жеткізілді. Сондай-ақ, карта жүйесі арқылы құны 3 миллион теңгені құрайтын АИ-92 маркалы 15 мың литр қосымша бензин берілді.
Батыс Қазақстан облысы әкімдігінің тапсырысы бойынша жалпы сомасы шамамен 37 млн теңгеге 100 тоннадан астам ЖДО және 10 мың литр АИ-92 бензині жеткізілді.
