«ҚазМұнайГаз – Аэро» ЖШС әлемнің жетекші әуе компаниялары – «Wizz Air», «Corendon Airlines», «Fly Dubai», «VietJet», «Air Cairo», «Red Sea Airlines» және «Turkish Airlines» әуе кемелеріне Қазақстан Республикасының әуежайларында жанармайды «қанатқа» құюды бастады. Ұшақты «қанатта» жанар-жағармаймен қамтамасыз ету – «ҚазМұнайГаз – Аэро» ЖШС ұлттық авиациялық отын операторы ретіндегі 5 жылдық даму жоспарын іс жүзінде жүзеге асырудың бастамасы.
ҚМГ – Аэро соңғы тұтынушыға авиациялық жанармайды делдалдарды қоспағанда, тікелей жеткізеді, авиакомпанияларды жанармаймен үздіксіз қамтамасыз етуге кепілдік береді. Ашық баға белгілеу авиакомпанияларға ұзақ мерзімді перспективада ұшу бағдарламасын сенімді түрде жоспарлауға мүмкіндік береді. Бұл ретте жанармайдың құны халықаралық баға белгілеулері негізінде баға формуласы бойынша белгіленеді. ҚМГ-Аэроны жанар – жағармай операторы таңдау барысында, жетекші авиакомпаниялар ұсынылатын қызметтердің жоғары деңгейі, авиациялық жанармайдың жоғары сапасы, Қазақстан Республикасының әуежайлар желісі бойынша кешенді ұсыныстар сияқты критерийлерді ескереді.