«ҚазМұнайГаз-Аэро» ЖШС («ҚазМұнайГаз» ҰК АҚ еншілес ұйымы) Астана қаласының Халықаралық әуежайында әуе кемелеріне «ұшақтың қанатына» авиаотын құю қызметін көрсетеді. Компания авиаотын операторы ретінде еліміздегі бірқатар әуежайлармен серіктестік орнатып, халықаралық сапа және қауіпсіздік стандарттарына сәйкес авиаотынмен сенімді және үздіксіз қамтамасыз етеді.
Астана қаласының Халықаралық әуежайы – компания үшін стратегиялық маңызы бар негізгі серіктестердің бірі болып табылады. Әуежаймен орнаған өзара тиімді әрі нәтижелі ынтымақтастық тәулігіне 24 сағат бойы әуе кемелерінің барлық түріне, оның ішінде халықаралық бағыттарға да, үздіксіз және сапалы жанармай құю қызметін көрсетуге толық мүмкіндік береді.
Аэродромның техникалық сипаттамалары:
• Ұшу-қону жолағы: 3500 x 45 м, асфальто-армобетон жабындысы
• Сертификация: ИКАО IIIА санаты
• Әуе кемелерінің барлық түрлерін шектеусіз қабылдау мүмкіндігі
Аэровокзал кешені:
• Терминал 1 — 47 000 м², өткізу қабілеті: жылына 5,2 млн жолаушы
• Терминал 2 — 25 210 м², өткізу қабілеті: жылына 3 млн жолаушы
• 2024 жылы әуежай 8,3 млн жолаушыға қызмет көрсетті
Жүк терминалы:
• Аумағы: 3300 м²
• Жұмыс тәртібі: 24/7
• 2024 жылғы өңдеу көлемі: 12,4 мың тонна
Қосымша артықшылықтар:
• Заманауи инфрақұрылым және жолаушыларға арналған ыңғайлы жағдайлар
• Мүгедектігі бар азаматтар үшін толық қолжетімділік
• Бизнес-залдар, қонақүйлер, дүкендер мен мейрамханалар қолжетімді
