ҚазМұнайГаздың еншілес компаниясы – «ҚазМұнайГаз-Аэро» ЖШС Алматы халықаралық әуежайында Uzbekistan Airlines авиакомпаниясының әуе кемесіне Jet A-1 маркалы отынды алғаш рет құю жұмыстарын жүргізді.
Бұл іс-шара Қазақстанның авиациялық отын нарығын әртараптандыру және отандық авиация инфрақұрылымның мүмкіндіктерін кеңейту бағытындағы маңызды қадам болды. Бұған дейін ҚМГ-Аэро арқылы халықаралық маршруттарды пайдаланып, Petrochina және қазақстандық логистикалық компаниямен серіктесе отырып Душаньцзы мұнай өңдеу зауытынан (ҚХР) Jet A-1 маркалы авиаотынын жеткізу ұйымдастырылған болатын.
Транзит көлемінің артуына байланысты авиакеросин бағыттарын әртараптандыру:
▪️авиаотынмен қамтамасыз ету жүйесінің тұрақтылығын арттырады
▪️халықаралық тасымалдаушылар үшін жаңа мүмкіндіктер ашады
▪️логистикалық тізбектерді ыңғайлы етеді
▪️еліміздің энергетикалық қауіпсіздігін нығайтады.
Жобаны «ҚазМұнайГаз» ұлттық компаниясы Мемлекет басшысының көлік-логистикалық кешенін дамыту және отандық авиация саласының бәсекеге қабілеттілігін арттыру жөніндегі тапсырмалары аясында ҚР Үкіметінің қолдауымен іске асыруда.
ҚМГ-Аэро авиаотынды жеткізу аумағын кеңейту, қызмет көрсетудің халықаралық стандарттарын енгізу және Қазақстан әуежайларында авиаотынмен қамтамасыз етудің заманауи жүйесін дамыту бағытындағы жұмыстарды жалғыстырады.
