Қазақстан Республикасының Тәуелсіздік күні қарсаңында «ҚазМұнайГаз-Аэро» ЖШС-де қызметкерлерге ведомстволық және корпоративтік наградалар табысталды.
Марапатқа төмендегі қызметкерлер ұсынылды:
Мансұр Қожахметов – Логистика және операциялық бақылау қызметінің бас менеджері, ҚР Энергетика министрлігінің Алғыс хатына ие болды. Ол жоғары кәсіби шеберлігі, біліктілігі, жауапкершілігі мен бастамашылдығы, сондай-ақ компанияны дамытуға қосқан елеулі үлесі мен мұнай өнімдерінің қалдықтарын сақтау процестерін оңтайландыруға арналған рационализаторлық ұсыныстары үшін марапатталды.
Торехан Ермеков – Біртұтас оператор жобалары қызметінің басшысы, «ҚазМұнайГаз» ҰҚ АК естелік белгісімен марапатталды. Ол кәсіби шеберлігі, қойылған міндеттерді сәтті орындауы, көшбасшылық қасиеттері және күрделі жағдайларда шешім қабылдау қабілеті үшін лайық деп танылды.
Ануарбек Ержанов – Құқықтық бөлімнің бас менеджері, «ҚазМұнайГаз» ҰҚ АК Құрмет грамотасымен марапатталды. Ол жауапкершілігі, еңбекқорлығы, адалдығы және әріптестеріне деген сыйластық үшін бағаланды.
Әлемгүл Рахметова – Бухгалтерлік есеп және есеп беру қызметінің бухгалтер-менеджері, «ҚазМұнайГаз» ҰҚ АК Алғыс хатымен марапатталды. Ол орындаушылық, еңбекқорлық, жауапкершілік және командалық жұмыстағы қабілеті үшін атап өтілді.
Марапаттау дәстүрі қызметкерлердің еңбегін лайықты бағалаудың символына айналып, кәсібилік, жауапкершілік пен адалдық компанияның басты құндылықтары ретінде сақталатынын көрсетеді.
