Еңбек адамы: Фархат Елеусізов — «ҚазМұнайГаз-Аэро» ЖШС ұшаққа жанармай құю көлігінің жүргізушісі

Фархат Қуанышұлы бірнеше жылдан бері Ақтөбе әуежайында еңбек етіп келеді. Жұмысқа кіріспес бұрын күн сайын міндетті медициналық тексеруден өтіп, көліктің техникалық жағдайын мұқият қарап, жанар-жағармай жүйесін толық қадағалайды.

— Біздің жұмыста асығыстық немесе немқұрайлыққа мүлде орын жоқ. Барлығы ұсақ-түйекке дейін тексерілуі керек. Авиация — бұл қатаң тәртіп пен жауапкершілік. Осындай маңызды іске үлес қосып жүргенімді мақтан тұтамын, — дейді Ф.Елеусізов.

Тәжірибесі мен біліктілігінің арқасында ол тек мықты маман ғана емес, жастарға бағыт-бағдар беретін тәлімгерге айналды.

Біз әрбір қызметкердің адал еңбегін қадірлейміз, олардың маңдай терін мақтан етеміз.