«ҚазМұнайГаз-Аэро» ЖШС airBaltic (Air Baltic Corporation AS) компаниясымен Астана халықаралық әуежайында әуе кемелеріне «ұшақтың қанатына» жанармай құю бойынша шарт жасасты.
Астана халықаралық әуежайы өзін заманауи және сенімді авиациялық хаб ретінде танытып, авиаотынмен қамтамасыз ету бойынша халықаралық тәжірибелерге сәйкес жұмыс істейді және әуе компанияларына қызмет көрсетудің жоғары қауіпсіздігі мен сапасын қамтамасыз етеді.
Еуропаның жетекші және ең жылдам өсіп келе жатқан әуе компанияларының бірімен ынтымақтастық орнату халықаралық тасымалдаушылардың «ҚазМұнайГаз-Аэро» ЖШС көрсететін қызметтеріне деген сенімінің артқаның дәлелдейді және Қазақстанның авиациялық инфрақұрылымын одан әрі дамытуға ықпал етеді.
Анықтама үшін ақпарат:
airBaltic — Балтық елдерінің жетекші әуе компаниясы, 1995 жылы құрылған. Еуропадағы ең жас әуе парктерінің бірін басқарады — оның құрамында 50 Airbus A220-300 әуе кемесі бар. Персонал саны 2 800-ден асады. 2025 жылы бортта SpaceX Starlink жоғары жылдамдықтағы интернетін тегін ұсынған алғашқы еуропалық әуе компаниясы болды.
Әуе компаниясы қауіпсіздік, тұрақты даму, сервис сапасы және инновациялар бойынша көптеген халықаралық марапаттарға ие, соның ішінде Skytrax, Airline Ratings, APEX және PROS AI Innovator Award сыйлықтары бар. Негізгі акционері — Латвия мемлекеті (88,37%).
