«ҚазМұнайГаз-Аэро» ЖШС Georgian Airlines LLC компаниясымен Түркістан халықаралық әуежайында әуе кемелерін «ұшақтың қанатына» жанармаймен қамтамасыз ету туралы келісім жасады.
Түркістан халықаралық әуежайы авиациялық хаб ретінде өзін танытып, авиатасымалдауды жанармаймен қамтамасыз етудің халықаралық тәжірибесіне сәйкес жұмыс істейді және қауіпсіздік пен сапаның жоғары стандарттарын қамтамасыз етеді.
Грузияның жетекші жүк әуекомпанияларының бірімен ынтымақтастық «ҚазМұнайГаз-Аэро» ЖШС қызметтеріне халықаралық тасымалдаушылардың артқан сенімін растайды және Қазақстанның аймақтық авиациялық логистикадағы позициясын нығайтады.
Анықтама үшін:
Georgian Airlines LLC — 2020 жылы құрылған, Тбилисиде (Грузия) базаланған жүк әуекомпаниясы. Компанияда Грузияның Азаматтық авиация агенттігі мен Грузияның Экономика және орнықты даму министрлігі берген әуе көлігі сертификаты, әуе кемелерін тіркеу және пайдалану сертификаттары бар.
Әуекомпания ИКАО талаптарына сәйкес келеді және ИАТА қауіпсіздік пен сенімділік стандарттарын сақтайды. Georgian Airlines Грузия мен Таяу Шығыс, ТМД, Үндістан және Еуропа елдері арасында жүк тасымалдарын орындайды, сондай-ақ ЕО елдеріне/елдерінен коммерциялық әуетасымалдауға арналған EAS рұқсатына ие. Компания чартерлік және ACMI-операцияларды да жүзеге асырады.
