Астанада «ҚазМұнайГаз-Аэро» ЖШС еңбек ұжымының Қазақстан Республикасының жаңа Конституциясы жобасын талқылауға арналған кездесуі өтті. Ашық диалог форматында өткен іс-шара «ҚазМұнайГаз» ҰК АҚ еншілес ұйымының өндірістік және әкімшілік бөлімшелерінің қызметкерлерін бір алаңға жинап, жаңа Ата заң жобасының өзекті баптарын жан-жақты әрі мазмұнды талқылауға мүмкіндік берді.
Кездесу барысында мемлекеттік басқару жүйесін дамытуға, көлік және логистикалық инфрақұрылымды жетілдіруге, сондай-ақ елдің экономикалық тұрақтылығын нығайтуға айрықша назар аударылды.
Кездесу қорытындысы бойынша компания ұжымы 2026 жылғы 15 наурызда өтетін республикалық референдумды қолдайтынын білдіріп, конституциялық өзгерістердің экономиканың тұрақты дамуы мен елдің болашағы үшін маңызын атап өтті.
