2026 жылғы 20 маусымда «ҚазМұнайГаз-Аэро» ЖШС-нде «Sary-Arka Training» компаниясының мамандарымен бірлесіп семинар-тренинг өтті.
Шара барысында алғашқы медициналық көмек көрсету және өрт қаупі жоғары кезеңдегі өрт-техникалық минимум мәселелері талқыланды.Оқыту елімізде бекітілген алғашқы көмек көрсету стандарттарына сай ұйымдастырылды.
Оның басты мақсаты — қызметкерлердің төтенше жағдайлар кезіндегі дайындығын арттыру. Жиын барысында ұжым мүшелері зардап шеккендерге көмектесудің практикалық дағдыларын меңгеріп, өрт қауіпсіздігі ережелерін қайталады.
Ерекше назар қауіпті сәттегі іс-қимыл алгоритмдерін тәжірибе жүзінде пысықтауға аударылды.
Жұмысшылардың өмірі мен денсаулығын сақтау — «ҚазМұнайГаз-Аэро» серіктестігінің басты басымдығы.
Компания өндірістік ортаны жақсарту және еңбекті қорғау мәдениетін нығайту бағытындағы жүйелі шараларды жалғастырады.
