Ағымдағы жылдың 26 сәуірінде «Нұрсұлтан Назарбаев халықаралық әуежайы» АҚ Делегацияларды қабылдау залында авиация саласындағы «NQZ AVIATION AWARDS» сыйлығының жеңімпаздарын марапаттау рәсімі өтті. Шараның басты мақсаты – барлық іскер серіктестерге ынтымақтастығы үшін алғыс білдіру және одан әрі бірігіп жұмыс жасауды жалғастыруға шақыру.
Дәулет Хамзин, «Нұрсұлтан Назарбаев халықаралық әуежайы» АҚ басқарма төрағасы: – Биылғы жылы әуежай «SKY TRAX» нұсқасы бойынша ТМД және Орталық Азиядағы ең үздік өңірлік әуежай атағын алды. Әрине, біз бұл марапатқа қызметкерлеріміздің арқасында ғана емес, ең алдымен серіктестерімізбен табысты ынтымақтастықтың арқасында қол жеткіздік деп білеміз. Бұл құрмет әуежайда жұмыс істейтін барлық ұйымдарға тиесілі. Сондықтан мұндай марапаттарды жыл сайын өткізіп, олардың еңбегін атап өтуді жөн көрдік. Елорда әуежайының аумағында барлығы үш жарым мыңнан астам адам жұмыс істейді. 100-ге жуық ұйым серіктес болып табылады.
«ҚазМұнайГаз-Аэро» ЖШС екінші жыл қатарынан «Нұрсұлтан Назарбаев халықаралық әуежайы» АҚ-ның стратегиялық серіктестері арасында «Нұрсұлтан Назарбаев халықаралық әуежайы» АҚ-н «Авиациялық отынмен қамтамасыз етудегі ең сенімді серіктес» марапатына ие болды.
