Жаңа жыл қарсаңында «ҚазМұнайГаз-Аэро» ЖШС қызметкерлері «Жайна» балаларды оңалту орталығында тұратын кішкентай ақтөбеліктерді қуантпақ болды. Қолдарынан келген қаржылай көмекті өз еріктерімен жинап, балаларды құттықтау үшін орталыққа барды.
«Біздің ұжым атынан, балалардың атынан «ҚазМұнайГаз-Аэро» ЖШС қызметкерлеріне көрсетілген қаржылық көмек, сонымен қатар көңіл бөліп, жылы лебіздерін таңытқандары үшін алғыс білдіргім келеді. Балалар біздің байлығымыз, болашағымыз. Балаларымыздың арқа сүйейтін достары барына қуаныштымыз», – деп атап өтті Нұрилла Жарболова, мүмкіндігі шектеулі балаларға арналған оңалту орталығының директоры.
Мүмкіндігі шектеулі балаларға арналған оңалту орталығы 2019 жылы ашылған және 100 балаға арналған. Онда психоневрологиялық патологиясы бар және тірек-қимыл аппараты бұзылған балаларға көмек көрсетіледі. Орталық 1,5 пен 18 жас аралығындағы балалар мен жасөспірімдерді қабылдайды.
Орталықта балалардың денсаулығын жақсарту үшін 30-дан астам маман – педиатр, травматолог-ортопед, реабилитолог, психолог, невропатолог, логопед, дефектолог, музыка және дене шынықтыру мұғалімдері және Монтессори кабинеті жабдықталған. Жатын бөлмелер арнайы көп функциялы кереуеттермен жабдықталған. Қазіргі таңда қосымша ғимарат салынуда, онда жаттығу терапиясы, физиотерапия және массаж, гидромассаж ваннасы мен тренажерлар, гальванизация және электрофорез, магниттік терапия құрылғыларымен жабдықталған кабинеттер ораналасады деп жоспарлануда.
