Қай ер жігіт бала кезінде ұшқыш болуды, қай бойжеткен өзін бортсерік ретінде армандаған жоқ дейсіз? Бұл мамандықтар ұмытылмас шытырман оқиғалардың, қызықты саяхаттардың лебімен көмкерілген. Бірақ та сол самолеттар ұшақпен байланысты мамандар болмаса аспанға қалықтап ұшпас еді. Бұл жерде көптеген мамандардың қыруар еңбегі бар. Сондай мамандықтардың бірі – авиациялық жанар-жағармай технигі.
Дархан Досмырза да бала кезінен аспан әлемін аңсаған, ұшқыш болуды армандаған. Тағдырдың жазуымен жоғары оқу орнын тәмамдаған соң Қазақстан Республикасының құқық қорғау жүйесінде еңбек жолын бастайды. Дегенмен авиация әлі де оның мақсаты болды және 33 жасында ол өміріне түбегейлі өзгеріс енгізді. «ҚазМұнайГаз – Аэро» ЖШС авиациялық жанар-жағармай технигі бос орнына іріктеу жүріп жатты.
«Мен әрқашан авиацияға құмар болдым, өйткені бұл ең ерекше, қызықты, үнемі өзгеретін және дамып келе жатқан қызмет бағыттарының бірі. «ҚазМұнайГаз – Аэро» өз тәжірибеңізді, біліміңіз бен дағдыларыңызды дамытуға және қолдануға нақты мүмкіндік береді. Осылайша, компанияның авиациялық жанар-жағармай техниктері «Авиа жанар-жағармай» бағдарламасы бойынша сертификатталған біліктілікті арттыру курстарынан өтті. Біз толассыз дамып келе жатырған компаниямыз және біздің команда кәсіби, білгір мамандардан және сол кәсібилікке қол жеткізгілері келетіндерден тұрады. Маған біздің ұжым ұнайды, сонымен қатар, кейбір жігіттермен жұмыстан тыс уақытта та қауышып тұрамыз. Маған жиі сұрақ қояды «Сіздің авиациялық қауіпсіздікке жеке үлесіңіз қандай» деп. Жауап қарапайым: өз міндеттерімді уақтылы және мінсіз орындау, өйткені ұшу қауіпсіздігі, ең бастысы, адамдардың өмірі соған байланысты. біздің Авияцияда қателіктер кешірілмейді. Ұшқыш болмасам да, әрбір рейс ұшаққа жанармай құюдан басталады», – дейді Дархан Досмырза.
