«ҚазМұнайГаз – Аэро» ЖШС қызметкерлері Jet A – 1 маркалы авиациялық отынға көшу жөніндегі жұмыс тобының құрамында Қытай Халық Республикасының мұнай өңдеу зауыттарына барды. Жұмыс тобы ҚР Көлік министрі М. Қарабаевтың бастамасымен құрылған. «ҚазМұнайГаз – Аэро» ЖШС, «Алматы халықаралық әуежайы» АҚ, «PTC Холдинг» ЖШС, «Қазақстан темір жолы» АҚ және PetroChina International Kazakhstan қызметкерлерінен.
Сапар барысында PetroChina International басшылығымен, сондай-ақ PetroChina Dushanzi Petrochemical Company, PetroChina Karamay Petrochemical Company, PetroChina Urumchi Petrochemical Company мұнай өңдеу зауыттарының басшылығымен кездесулер өтті. Бұл кездесулерде Jet A-1 маркалы авиакеросинді өндіру мәселелері, сондай-ақ Қытай мұнай өңдеу зауыттарының Қазақстан Республикасына авиакеросин экспорттаудағы техникалық және құқықтық мүмкіндіктері талқыланды.
«Қазақстандық делегацияға авиациялық жанармай өндірісінің қытайлық стандарттары таныстырылды, зауыт зертханалары, сондай-ақ Jet A-1 маркалы авиациялық отын шығаратын қондырғылар көрсетілді. Жұмыс кездесулерінің нәтижесінде авиациялық отынды тасымалдаудың техникалық мүмкіндіктеріне, сондай-ақ екі елдің заңнамасының құқықтық аспектілеріне қатысты мәселелер талқыланды. Екі тарап та ынтымақтастықты одан әрі дамытуға мүдделілік танытты», – деп атап өтті Ғани Баймышев, «ҚазМұнайГаз-Аэро» ЖШС бизнесті дамыту департаментінің бас сарапшысы.
