📊 2024 жылдың 10 айының қорытындысы бойынша «ҚазМұнайГаз‒Аэро» ЖШС (ҚМГ-ның еншілес ұйымы) шетел әуе компанияларына авиаотынды формула арқылы баға белгілеу әдісі бойынша орташа есеппен тоннасына 1020 долларға сатты, ал көрші елдердің әуежайларында бір тоннаның бағасы 1242 долларды құрады.
🛫 Айта кетсек, ҚМГ-Аэро тарапынан отандық әуе компаниялары үшін бұл әдіс қолданылмайды, сондықтан баға өзіндік құн мен операциялық шығындарды ғана қамтиды. Мысалы, 2024 жылы авиаотын орташа есеппен тоннасына 820 долларды («ұшақ қанатына» жанармай құю қызметін қоса алғанда) немесе шамамен 400 мың теңгені құрады. Яғни, жергілікті әуе тасымалдаушыларымен есеп айырысқанда, қазіргі әлемдік авиаотын бағасы (формула арқылы баға белгілеу сияқты) негізге алынбайды, бұл Қазақстан тұтынушыларына бағаның қолжетімділігін қамтамасыз етеді.
☑️ Бүгінгі таңда компания қазақстандық әуежайлардың транзиттік мүмкіндіктерін дамыту үшін Астана және Ақтөбе қалаларында бірқатар жеке инвестициялық жобаларды жүзеге асырып жатыр. Сондай-ақ Түркістан, Ақтау және Қазақстанның басқа қалаларында осындай жобаларды жоспарлап отыр. Бұл жобалар Jet A-1 және SAF авиаотын түрлерін пайдалану үшін авиаотын инфрақұрылымын салуға және жаңғыртуға бағытталған.
⚡️Жалпы инвестиция көлемі шамамен 15 млрд теңгені құрайды, бұл жобалар іске асырылатын өңірлерде 140 жаңа жұмыс орнын ашуға мүмкіндік береді. ҚМГ-Аэро-ның Қазақстанның коммерциялық авиаотын сату нарығындағы үлесі 16%-ды құрайды.
