«ҚазМұнайГаз-Аэро» ЖШС мен халықаралық аналитикалық компания — S&P Global өкілдерімен жұмыс кездесуі өтті. Кездесу барысында 2024 жылға арналған баға қалыптастыру динамикасы және 2025 жылға болжамды бағалар талқыланды.
Кездесу кезінде тараптар мұнай өнімдері нарығындағы ағымдағы үрдістерді, баға қалыптастыру механизмдерін және алдағы кезеңде баға белгілеу тәсілдеріндегі ықтимал өзгерістерді егжей-тегжейлі талқылады. Сонымен қатар қолданылып жүрген аналитикалық құралдарды нақтылауға, сондай-ақ баға индикаторларымен жұмыс істеудің айқындығы мен тиімділігін арттыру мәселелері бойынша тәжірибе алмасуға ерекше назар аударылды.
S&P Global өкілдері жасанды интеллект технологияларына негізделген жаңа жобаны — «AI and Commodities» бағдарламасын таныстырды. Бұл жоба PLATTS бағалары бойынша есептерге байланысты ақпаратты жылдам өңдеу мен талдауға бағытталған. Жасанды интеллектті қолдану болжамдардың дәлдігін айтарлықтай арттырып, үлкен деректер негізінде жедел шешім қабылдауға мүмкіндік береді.
«ҚазМұнайГаз-Аэро» ЖШС басшылығы ұсынылған бастамаларды жоғары бағалап, аналитика және нарықты бақылау саласында S&P Global компаниясымен стратегиялық әріптестікті нығайту ниетін растады.
