Қарағанды облысының тумасы Асылхан Тұрсынбекұлы Л.Н. Гумилев атындағы Еуразия ұлттық университетінің заң факультетін тәмамдап, заңгер мамандығын алған. Еңбек жолын мемлекеттік органдарда бастап, 2006 жылдан бастап ҚМГ жүйесінде белсенді түрде мансабын жалғастырып келеді.
Қазіргі таңда ол «ҚазМұнайГаз – Аэро» ЖШС-нің Персоналды басқару және әкімшілік жұмыс қызметінің бас сарапшысы қызметін атқарады. Бұл қызметте Асылхан Тұрсынбекұлы еңбек жағдайларын ұйымдастырудан бастап логистика, шаруашылық қызметті қамтамасыз ету және компанияның корпоративтік мәдениетін қолдауға дейінгі кең ауқымды міндеттерге жауапты.
Бұған дейін ол «ҚазТрансОйл» АҚ, «ҚазМұнайГаз – өңдеу және маркетинг» АҚ сияқты ұйымдарда әкімшілік бағыттағы жетекші лауазымдарды атқарып, өзін тиімді ұйымдастырушы, басқарушы және кәсіби маман ретінде көрсете білді.
Көп жылдық жұмыс барысында Асылхан Добенов бірнеше рет біліктілігін арттыру курстарынан өтті, оның ішінде ҚБТУ-да оқып, мұнай-газ саласы мен бизнес-процестерді автоматтандыруға қатысты мамандандырылған семинарларға қатысқан.
Оның жұмысқа деген көзқарасы жүйелілігімен, жауапкершілігімен және бизнесті қолдаудың түрлі бағыттарында тиімді үдерістерді қалыптастыра білуімен ерекшеленеді.
