Айгерім Әбдіқананқызы Нархоз университетін «Есеп және аудит» мамандығы бойынша тәмамдап, кейін «Болашақ» бағдарламасы аясында Ұлыбританияда оқуын жалғастырды. Ол Бристоль университетінде «Есеп, қаржы және менеджмент» бағыты бойынша магистр дәрежесін алған.
Өз кәсіби жолын халықаралық консалтингтік компаниялардан — PwC және KPMG-ден бастаған. Бұл жерде ол салық салу, бухгалтерлік есеп және клиенттермен жұмыс істеу салаларында берік дағдылар қалыптастырды.
2021 жылдан бері Айгерім Қаршал ҚМГ құрылымындағы «ҚазМұнайГаз-Аэро» ЖШС-де еңбек етіп келеді. Осы аралықта ол менеджер лауазымынан бастап, маркетинг қызметінің жетекшісі дәрежесіне дейінгі кәсіби өсу жолын еңсерді. Қазіргі таңда ол авиаотынды сату, коммерциялық стратегияны әзірлеу, баға саясатын талдау, сондай-ақ шетелдік серіктестерді қоса алғанда, әріптестермен өзара қатынасты басқару сынды негізгі бизнес-процестерге жетекшілік етеді.
Айгерім Әбдіқананқызы өз кәсібінде терең аналитикалық ойлау, стратегиялық көзқарас және бизнес-процестерді тиімді ұйымдастыра білу қабілеттерімен танылды. Ол кәсіби өсуге тұрақты түрде көңіл бөліп, үнемі білімін жетілдіріп отырады. Соңғы уақытта Udemy платформасынан SQL бойынша курсты сәтті аяқтап, сондай-ақ Confidence Information Services ұйымдастырған мұнай және авиаотын саудасына арналған арнайы бағдарламаға қатысып үлгерді.
