«Қазақстан мен Орталық Азияның мұнай-газ нарығы 2023» атты Argus Media компаниясы ұйымдастырған 5-ші халықаралық конференциясы өтті
«ҚазМұнайГаз-Аэро» компаниясының қызметкерлері «Қазақстан мен Орталық Азияның мұнай-газ нарығы 2023» атты Argus Media компаниясы ұйымдастырған 5-ші мерейтойлық халықаралық конференциясына қатысты.
Ағымдағы жылдың 22-23 маусымында Алматы қаласында «Қазақстан мен Орталық Азияның мұнай-газ нарығы 2023» атты Argus Media компаниясы ұйымдастырған 5-ші халықаралық конференциясы өтті. Мерейтойлық конференцияға мұнай-газ нарығына қатысатын 120-ға жуық компанияның өкілдері жиналды. Қатысушылар екі күн бойы Қазақстанның мұнай және мұнай өңдеу салаларындағы өзекті мәселелерді, Қазақстанның ішкі нарығындағы мұнай жеткізу схемасын әзірлеуге қатысты тенденциялар мен болжамды, жақын болашақтағы Қазақстан нарығын, трансферттік баға белгілеу тәжірибесін, аймақтық нарықтар – Өзбекстан, Қырғызстан, Түркіменстан, Тәжікстан, Ауғанстан, аймақтағы мұнай және мұнай өнімдерінің нақты логистикалық бағыттары, Қазақстанның және көршілес елдердің сұйытылған газ нарығы, Ресейден Орталық Азия елдеріне сұйытылған газ экспортының өсуін талқылады.
«Argus Media» тәуелсіз баға агенттігінің ұзақ мерзімді және сенімді серіктесі ретінде конференцияға «ҚазМұнайГаз-Аэро» ЖШС қызметкерлері шақырылды.
Мәдина Қожахметова «Аймақтық мұнай және мұнай өнімдерінің нарықтары» сессиясы аясында «ҚМГ-Аэро жобалары» атты баяндамасын ұсынды.
«KMG-Aero-ны құрудағы мақсат әлемдік тәжіребелерге сүйене отырып, ұқсас отын операторын құру болды: BP, Exxon Mobil Corporation, Total Energies, Лукойл, Газпромнефть, Роснефть, Chevron Corporation, Shell. Еліміздің әуежайларында ҚМГ – Аэро ұсынатын жанармай операторының болуы авиациялық жанар-жағармаймен қамтамасыз ету нарығын жақсартуға, авиациялық жанармайға нақты және әділ баға механизмін құруға, қажет болған жағдайда әуежайдың жанар-жағармай кешендерін жаңғыртуға және RT, TS-1 және JET А-1 маркалы және SAF авиациялық жанармайын сақтау және пайдалануға арналған жаңа жанармай құю кешендерін салуға мүмкіндік береді. Бұл шаралардың барлығы еліміздің транзиттік әлеуетін арттыруға және оны логистикалық және туристік хаб ретінде дамытуға мүмкіндік береді», – деді кәсіпкерлікті дамыту бөлімінің менеджері Мәдина Қожахметова.
