Мейрамбек Ермағамбетов
«Ақтау халықаралық әуежайы» АҚ
«ҚазМұнайГаз – Аэро» ЖШС өкілі – қоймашы
Асқар Әлімбаев
«Әулие-ата халықаралық әуежайы» АҚ
«ҚазМұнайГаз – Аэро» ЖШС өкілі – қоймашы
«ҚазМұнайГаз – Аэро» ЖШС авиаотын операторы ретінде өз қызметін жүзеге асыру кезінде негізгі қызметкерлердің бірі – қойма өкілдерінің функционалы болып табылады. «ҚазМұнайГаз – Аэро» ЖШС қойма өкілдері қауіпті инфрақұрылым объектілерінде жұмыс істеу үшін арнайы рұқсаттар алу үшін тиісті оқытудан өтеді және мұнай өнімдерімен жұмыс істеу кезінде есеп айырысу стандарттарын, қағидалары мен әдістемелерін меңгереді.
«Біз қауіпсіздік техникасын сақтай отырып, кез келген ауа райы жағдайында инфрақұрылым нысандарында жұмыс істейміз. Сақтау қоймаларында мұнай өнімдері бар вагон-цистерналарды қабылдауды қамтамасыз етеміз, оған темір жол станциясында құжаттарды ресімдеу, вагоннан өнімнің саны, тығыздығы мен температурасының көрсеткіштерін өлшеу және тіркеу, мұнай базасының зертханашылары келіп түсетін мұнай өнімінің әрбір партиясының тазалығын алғашқы тексеру процессіне қатысу, қабылдау актілерін тәмамдау, қабылдау және төгу кезінде толық талдау алу үшін аккредиттелген зертханаға сынамаларды іріктеу және жіберу кіреді. Еліміздің әуежайларында біз контрагенттердің әуе кемелерін «қанатқа» құю арқылы авиаотынды өткізуге байланысты құжат айналымына күнделікті бақылау жүргіземіз. Әуежайдың құрылымдық бөлімшелерімен үйлестірілген өзара іс – қимыл кезінде әуе кемелеріне жанармай құю қызметтерін көрсету кезінде техниканың жұмыс істеуін қамтамасыз етеміз» – дейді Мейрамбек Ермағамбетов.
«Бұдан басқа, біз қоймаға мұнай өнімдерін құю және автоцистерналармен шығару процесін қамтамасыз етеміз және бақылаймыз, оған құйылған өнімнің мөлшерін, тығыздығы мен температурасын анықтау, тауар-көлік жүкқұжаттарын ресімдеу, контрагенттердің, оның ішінде Қазақстан Республикасының Қарулы күштері мен арнаулы мемлекеттік органдарының атына өткізілетін мұнай өнімдерінің мөлшерін реттеу кіреді. Бұл олардың үздіксіз қызметі және қойылған міндеттерді уақтылы орындауын қамтамасыз етеді. Бұдан басқа, жұмыс барысында біз мұнай өнімдерінің сапасын растау үшін мұнай базаларындағы зертханалар мен тәуелсіз зертханалардың қызметіне жүгінеміз» – деп толықтырды Асқар Әлімбаев.
