Өңірлерде су тасқынына қарсы белсенді іс – шаралар жалғасуда. «ҚазМұнайГаз – Аэро» ЖШС («ҚазМұнайГаз» ҰК АҚ еншілес кәсіпорны) Қазақстан Республикасының Қарулы Күштері мен арнайы мемлекеттік органдарына мұнай өнімдерін жеткізу бойынша «Бірыңғай оператор» функциясы аясында, еліміздің су тасқынынан ең көп зардап шеккен өңірлеріндегі Қазақстан Республикасы Төтенше жағдайлар министрлігінің, Қазақстан Республикасы Қорғаныс министрлігінің, Ұлттық ұланның қажеттіліктеріне сәйкес мұнай өнімдерін үздіксіз жеткізуді қамтамасыз етеді.
Сондай-ақ, қазіргі таңда облыс әкімдіктеріндегі су тасқынына қарсы іс-шараларды үйлестіру және су тасқыны кезеңінің салдарын жою жөніндегі штабтың тапсырысы бойынша, өңірлерге мұнай өнімдерінің қажетті көлемін жеткізу жұмыстары жүргізіліп жатыр.
Сонымен қатар, «ҚазМұнайГаз – Аэро» ЖШС жұмысшылары бір күндік жалақыларын су тасқынынан зардап шеккен елді мекендерге көмек ретінде аударды.
