«ҚазМұнайГаз – Аэро» ЖШС (ҚМГ еншілес кәсіпорны) еліміздің су тасқынынан зардап шеккен аймақтарындағы халықты эвакуациялауға белсенді қатысуда
Солтүстік Қазақстан облысы әкімдігінің тапсырысы бойынша «ҚазМұнайГаз-Аэро» ЖШС «ҚазАвиаСпас» АҚ-мен бірлесіп эвакуациялау шараларына қатысуда. Осылайша, халықты эвакуациялауға тартылған тікұшақтарды жедел жанармаймен қамтамасыз ету үшін Петропавл қаласының әуежайына авиациялық жанармай құйылған автоцистерналар жіберілді.
Ақтөбе облысы әкімдігінің сұрауы бойынша Ырғыз ауданының шалғайдағы Нұра және Мамыр елді мекендерінен халықты шұғыл эвакуациялау мақсатында тартылған эвакуациялық тікұшақтарды жанармаймен қамтамасыз ету үшін, «ҚазМұнайГаз – Аэро» ЖШС қызметкерлері мен жанармай құюға арналған техника Ырғыз ауданына жеткізіліп? жанармай құю жұмыстарын жүргізуде.
Ағымдағы жылдың 9 – 11 сәуір аралығында Атырау облысына жалпы сомасы 37,1 млн.теңгеге қосымша 143,5 тонна жазғы дизель отыны (ЖДО) жеткізілді. Сондай-ақ, карта жүйесі арқылы 1,7 млн теңгеге 6 мың литр ЖДО берілді.