Ағымдағы жылдың мамыр-маусым айлары аралығында барлық өңірлерде «Өрт-2024» және «Жер-2024» республикалық командалық-штабтық оқу-жаттығулары өткізілді. «ҚазМұнайГаз – Аэро» ЖШС қызметкерлері Семей қ. «Өрт-2024» және Өскемен қ. «Жер-2024» оқу-жаттығуларына қатысты.
Бұл іс-шара табиғи өрттер туындаған кездегі іс-қимылдарға басқару органдарының, азаматтық қорғаудың аумақтық кіші жүйесінің күштері мен құралдарының, сондай-ақ авариялық-құтқару жасақтарының жойқын жер сілкінісі салдарының зардаптарын жоюдағы практикалық іс-әрекеттерінің дайындық деңгейін арттыру мақсатында ұйымдастырылды.
Жаттығулар аясында «ҚазМұнайГаз – Аэро» ЖШС мұнай өнімдерін жеткізу бойынша Бірыңғай оператор ретінде әрекет етті. Іс-шараның қорытындысы бойынша оқу-жаттығуға толық талдау жасалып, авариялық-құтқару бөлімшелерінің дайындығына баға беріліп, азаматтық қорғаудың мемлекеттік жүйесінің қызметін одан әрі жетілдірудің басым бағыттары белгіленді.
