«ҚазМұнайГаз» ҰК АҚ Басқарма төрағасы Асхат Хасенов американдық LanzaJet технологиялық және жапондық Mitsui (Мицуи) инвестициялық компаниясының басшылығымен кездесу өткізді.
Кездесуде Қазақстанда экологиялық таза авиациялық SAF отыны өндірісін құру мүмкіндігі талқыланды.
Қазақстанда SAF өндірістік кешенін салу жобасының алдын ала техникалық-экономикалық негіздемесі ҚМГ және «Эйр Астана» АҚ бірлескен бастамасы бойынша Еуропа Қайта Құру және даму банкінің қаржылай қолдауымен жүргізілді. Ендігі кезеңде жобаның техникалық-экономикалық негіздемесін әзірлеу жоспарда.
ҚазМұнайГаздың үш ірі мұнай өңдеу зауыты да Jet A-1 авиаотынын өндіруге дайын. Бұл болашақта оны SAF-пен араластыруға мүмкіндік береді.
Кездесу қорытындысы бойынша LanzaJet мен Мицуи компаниялары жобаны ҚМГ-мен бірлесіп іске асыруға қызығушылық танытты.
