8 қазанда Миланда «ҚазМұнайГаз-Аэро» ЖШС («ҚазМұнайГаз» ҰК АҚ еншілес ұйымы) мен NextChem компаниясы тұрақты авиациялық отынды SAF (Sustainable Aviation Fuel) дамыту саласындағы ынтымақтастық туралы келісімге қол қойды. «Қазақстан-Италия» халықаралық форумы аясында қол қойылған келісім энергияның жаңа түрлеріне көшу бойынша бастамаларды ілгерілетуге бағытталған.
Тараптар көмірқышқыл газын ұстау арқылы экологиялық таза SAF және төмен көміртекті сутегін өндіруде ынтымақтасуға, сондай-ақ өндіріс экономикасына айналмалы шешімдерді енгізуге ниетті. Шикізат қалдықтары қоршаған ортаға әсерді азайта отырып, қайта пайдаланылады, қайта өңделеді және қалпына келтіріледі. NextChem өзінің NX SAF BIO және NX Circular сияқты инновациялық технологиялары, сондай-ақ Waste-to-X шешімдері, NX AdWinHydrogen және NX AdWinMethanol арқылы тұрақты инновацияларды ынталандырып, қалдықтарды құнды химиялық ресурстарға айналдыра алады.
Maire Tecnimont тобының бас директоры Алессандро Бернини Қазақстан энергетика саласындағы әлемдік көшбасшылардың бірі ретінде Италия үшін стратегиялық және құнды серіктес екенін атап өтті.
«Қазақстанның ресурстарын біздің технологияларымыз және инженерлік ноу-хауымызбен біріктіру тұрақты және төмен көміртекті экономикаға жаһандық көшудің бірегей мүмкіндігі болып табылады. Біз осы жолмен бірге жүруге тырысамыз», – деп атап өтті Maire Tecnimont басшысы.
NextChem – итальяндық Maire Tecnimont тобының құрамындағы жоғары технологиялық компания, төмен көміртекті және айналмалы процестер үшін озық технологияларды әзірлеуге және енгізуге маманданған. Компания сутегі технологияларындағы инновацияларды, көміртекті ұстауды және қалдықтарды химиялық заттар мен отын сияқты құнды ресурстарға айналдыруды белсенді түрде алға тартады. NextChem тарихы атақты итальяндық ғалым Джулио Наттаның мұрасымен тығыз байланысты (толығырақ «ҚазМұнайГаз» білім қорынан қараңыз). NextChem компаниясы полимерлер саласындағы жұмысы үшін Нобель сыйлығын алған Наттың ашқан жаңалықтарына негізделген полимерлеу технологияларын қолданады және дамытады.
Maire Tecnimont – үш ірі итальяндық өнеркәсіптік компанияда тамыры бар жетекші халықаралық өнеркәсіптік топ: Эдисон (1883 жылы негізі қаланған), Montecatini (1888) және Fiat (1889). Maire Tecnimont тарихы 1930 жылдары Fiat Engineering компаниясының құрылуынан басталады, ол кейінірек инфрақұрылымдық жобаларға бағытталған Fiat Engineering S.p.A. болды. 1973 жылы Montecatini мен Эдисонның инженерлік және зерттеу бөлімдерін біріктіретін Tecnimont құрылды. 2005 жылы Maire Holding Maire Tecnimont тобын құра отырып, Tecnimont компаниясын сатып алды.
SAF (Sustainable Aviation Fuel) – тұрақты авиациялық отын, ол Jet-1 отынының экологиялық таза нұсқасы болып табылады (толығырақ «ҚазМұнайГаз» білім қорынан қараңыз). Кәдімгі авиакеросиннен айырмашылығы, таза SAF көміртегі шығарындыларын 80%-ға азайтады. SAF және Jet-1 бір-бірін алмастырады, бұл оларды әуежай қоймаларында бар отынмен араластыруға мүмкіндік береді. АҚШ 2050 жылға қарай SAF пайдалануды 50 пайызға жеткізуді жоспарлап отыр. Еуропалық Одақ – 2025 жылдан бастап 2%-дан бастап, бұл көрсеткішті 2030 жылдан 5%-ға, 2050 жылы 63%-ға дейін арттыруды көздеп отыр. Ұлыбритания 2030 жылға қарай авиациялық отынның жалпы тұтынуының 10%-ын SAF пайдалануды жоспарлап отырғанын жариялады.
