«Қазақстанда SAF өндірісі бойынша болашақ жобаны: SAF өндіру технологиясының лицензиарлары, SAFүшін шикізат өндірушілер, авиакомпаниялар, әуежайлар, авиаотын өндірушілер мен жеткізушілер, қаржы институттары сияқты мүдделі тұлғалардың консорциумын құру арқылы іске асыру оңайырақ болады. Бірлескен күш-жігер қажетті ресурстарды, білім мен технологияны қамтамасыз етеді, осындай ауқымды бастамаларды табысты іске асыру үшін өте маңызды. Консорциум осы салада жұмыс істейтін әртүрлі компаниялар мен ұйымдардың ресурстары мен сараптамаларын біріктіре алады. Тиімді жеткізу тізбегін құруға, өндіріс шығындарын азайтуға және технологияларды енгізуді жеделдетуге мүмкіндік береді. Мұндай консорциумға жаңа технологиялар мен инновациялық шешімдерді әзірлеумен айналысатын ірі корпорациялар да, шағын және орта кәсіпорындар да кіруі мүмкін. Консорциум мүшелері арасындағы ынтымақтастық инвестицияларды тартуға және SAF өндірісін масштабтауға жағдай жасауға көмектеседі.»
«ҚазМұнайГаз – Аэро» ЖШС Бас директоры Ильдар Шамсутдиновтың «Green Airports» ИКАО өңірлік семинары шеңберінде «SAF at Airports» пленарлық сессиясында сөйлеген сөзінен үзінді»
📍 Алматы қ., 2024 жылғы 7 қараша.
❔ SAF- биомассалық өсімдік және пайдаланылған майлардың, жануарлар майының, ауыл шаруашылығы қалдықтарының, целлюлозаның, қоқыс пен пластиктің, өнеркәсіптік кәсіпорындардың (металлургиялық кешендер мен МӨЗ) түтінінің қайта өңдеуінен алынатын тұрақты авиациялық отын.
