Қазақстан авиация саласының тұрақты және экологиялық таза авиациялық отынды (SAF, Sustainable Aviation Fuel) пайдалануға көшуі, 8 қарашада Халықаралық Азаматтық авиация ұйымы (ICAO) ұйымдастырған «Green Airports» семинары шеңберінде, «ҚазМұнайГаз – Аэро» ЖШС алаңында өткен кеңестің басты тақырыбы болды. Талқылауға «ҚазМұнайГаз» ҰК АҚ (ҚМГ), «ҚазМұнайГаз-Аэро» ЖШС (ҚМГ-Аэро, ҚМГ еншілес ұйымы), «Қазақстанның авиациялық әкімшілігі” АҚ, “Эйр Астана” авиакомпаниясының, BioOperations биоэтанол өндіру зауытының, сондай-ақ LanzaJet, Mitsui&Co, Maire Tecnimont және Sovico Group компанияларының өкілдері қатысты.
Кеңеске қатысушылар Қазақстанда SAF жобасын іске асыру аясында ынтымақтастық және тәжірибе алмасу мәселелерін талқылады.
Қазақстан Париж келісімін ратификациялап және 2060 жылға дейін көміртекті бейтараптық стратегиясын қабылдай отырып, авиация секторындағы парниктік газдар шығарындыларын азайтуға тырысады. SAF-тыдамыту және өндіру осы стратегияның маңызды бөлігі болып табылады. ҚМГ декарбонизация бойынша дәйекті қызметке назар аударуға ниетті. Ол үшін ҚМГ-ның 2022-2031 жылдарға арналған төмен көміртекті даму Бағдарламасы қабылданды. Алдын-ала (Еуропалық Қайта Құру және даму банкінің, ҚМГ және «Эйр Астана» қолдауымен) SAF өндірістік кешенін салу жобасына техникалық-экономикалық зерттеу жүргізілді. Келесі кезең жобаның ТЭН әзірлеу болады.
ҚР Президенті Қасым-Жомарт Тоқаевтың Францияға сапары барысында ағымдағы жылдың 4-5 қарашасында, ҚМГ және Axens компаниясы 2024-2025 жылдарға арналған «Қазақстанда тұрақты авиациялық отын өндіру» ТЭН жобасы бойынша ықтимал ынтымақтастық туралы келісімге қол қойды. Жазда ҚМГ және LanzaLet (SAF шығаруға мамандандырылған) компаниясы ынтымақтастық туралы Меморандумға қол қойды. Қазан айының басында Миланда ҚМГ – Аэро және NextChem SAF әзірлеу бойынша ынтымақтастық туралы келісімге қол қойды.
