«ҚазМұнайГаз – Аэро» ЖШС Silk Way West Airlines әуекомпаниясымен Қырғызстанның әуежайларында әуе кемелеріне «ұшақтың қанатына» жанармай құю туралы келісімге отырды
«ҚазМұнайГаз – Аэро» ЖШС мен Silk Way West Airlines жүк әуекомпаниясы Overseas жобасы аясында, Қырғызстанның әуежайларында әуе кемелеріне «ұшақтың қанатына» жанармай құю туралы стратегиялық келісімге қол қойды. Бұл ынтымақтастық Қырғызстанның «Қырғызстан Аэропорттары» ААҚ еншілес «Асман Ойл Компани» авиаотын операторымен серіктестікте жүзеге асырылуда.
Бұл келісім екі компанияның Орталық Азиядағы авиациялық қызметтер мен жүк тасымалдау нарығындағы позицияларын кеңейтуге және нығайтуға бағытталған. Ынтымақтастық аясында халықаралық сапа мен қауіпсіздік стандарттарына толық сәйкес келетін әуе кемелеріне жанармай құюдың барлық қажетті процедуралары жүзеге асырылатын болады.
«ҚазМұнайГаз – Аэро» ЖШС Ақтөбе және Қарағанды әуежайларында Silk Way West Airlines әуекомпанияның әуе кемелеріне «ұшақтың қанатына» жанармай құю қызмет көрсету барысында, өзін сенімді серіктес ретінде сәтті көрсете білді. Қырғызстанда әуе кемелеріне жанар-жағармай құю туралы келісімге қол қою ынтымақтастықты кеңейту және Орталық Азиядағы авиация саласын одан әрі дамытудағы маңызды қадам болып табылады.
Қосымша ақпарат:
Silk Way West Airlines – бас кеңсесі Бакуде орналасқан, 2001 жылы Әзірбайжанда негізі қаланған жүк авиакомпаниясы. Компания негізінен Boeing 747 сияқты ірі жүк ұшақтарынан тұратын флотты пайдалана отырып, халықаралық әуе жүк тасымалдау қызметтерін ұсынады. Silkway West Airlines Еуропа, Азия, Таяу Шығыс және Солтүстік Американы қамтитын бағыттар бойынша белсенді жұмыс істейді.
