2025 жылдың 6-7 наурыз аралығында «ҚазМұнайГаз-Аэро» ЖШС қызметкерлері Республикалық командалық-штабтық «Көктем-2025» оқу-жаттығуларына белсене қатысты.
Оқу-жаттығудың тақырыбы – су тасқыны кезеңінде төтенше жағдайға дайындық және оны жою. Негізгі мақсаты – көктемгі су тасқыны кезеңінде жергілікті атқарушы органдар мен азаматтық қорғау бөлімшелерінің өзара тиімді байланысын қамтамасыз ету.
Өткізілген оқу-жаттығулар барысында жеке құраммен жұмыс істеп, азаматтық қорғау шараларын жүзеге асыру мен ұйымдастыру, басшылық құжаттарды зерттеу бойынша сабақтар жүргізілді. Сонымен қатар, оқу-жаттығуларға қатысушылар үшін ұйымдастырушылық нұсқаулар мен қауіпсіздік шараларын сақтау бойынша шаралар өткізілді. Басқару органдарының үйлесімділігін арттыру мақсатында объектілік жаттығулар мен сабақтар ұйымдастырылды.
Оқу-жаттығулар кезінде «ҚазМұнайГаз-Аэро» ЖШС қызметкерлері төтенше жағдайлар аймағында жанар-жағармай материалдарын жеткізу жөніндегі есептерді дайындады.
Өткізілген жаттығулар қызметтердің төтенше жағдайларға жедел әрекет ету дайындығын бағалауға және азаматтық қорғаудың барлық буындарының тиімді өзара әрекетін пысықтауға мүмкіндік берді.
Негізгі міндет – барлық қызметтердің су тасқыны кезеңіне жоғары дайындықты қамтамасыз ету, ықтимал қауіптерді азайту және төтенше жағдайларға жедел әрекет ету.
