2025 жылғы 15 сәуірде «ҚазМұнайГаз – Аэро» ЖШС мен Turkish Airlines әуе компаниясы, соның ішінде Turkish Cargo жүк тасымалдау бөлімшесі басшылығы арасында жұмыс кездесуі өтті.
Кездесу барысында отынмен қамтамасыз ету қызметтеріне баға белгілеу мәселелері талқыланды. Әсіресе, серіктестікті кеңейту келешегі, оның ішінде әуе компаниясының Қазақстан Республикасы аумағындағы тұрақты және жүк рейстерінің санын арттыру мәселелері ерекше назарға алынды.
Turkish Airlines өкілдері «ҚазМұнайГаз – Аэро» ЖШС-не тұрақты серіктестік үшін алғыс білдіріп, баға белгілеудегі формулалық тәсілдің ашықтығы мен болжамдылығын, сондай-ақ оның халықаралық тәжірибеге сәйкестігін ерекше атап өтті.
Тараптар серіктестік қарым-қатынастарды одан әрі нығайтуға және авиациялық тасымал мен отынмен қамтамасыз ету тиімділігін арттыруға бағытталған өзара іс-қимылды кеңейтуге мүдделілігін растады.
