ҚМГ компаниялар тобының қызметкерлері «III Charity Samruk Marathon-2025» қайырымдылық марафонына қатысты. «ҚазМұнайГаз-Аэро» ЖШС атынан 10 шақырымдық қашықтықты Сатып алу бөлімінің бастығы Ақылбек Есенбаев пен Маркетинг қызметінің бас менеджері Нұрлыбек Сабыров, ал 5 шақырымдық қашықтықты аутстаффинг секторының менеджері Кенжегүл Есенбаева жүгіріп өтті. ҚМГ жанкүйерлер командасы қатысушыларды белсенді қолдап, шабыттандырғаны үшін «Марафон рухы: үздік қолдау бекеті» байқауының жеңімпазы атанды.
Жаппай жүгіру жарысына 3000-нан астам адам қатысты. Қайырымдылық шарада марафоншылар мен Қор серіктестерінің көмегімен 200 млн теңге жиналды. Қаражат ерекше білім беру қажеттіліктері бар балаларға арналған 10 инклюзивті кабинет ашуға жұмсалатын болады.
