Ержан Абдрахманов 2022 жылы «ҚазМұнайГаз – Аэро» ЖШС Бірыңғай оператор жобалар қызметі құрамына қосылды. Мұнай өнімдерін өткізу және мемлекеттік құрылымдармен жұмыс істеу саласындағы көпжылдық тәжірибесінің арқасында, ол алғашқы айлардан-ақ жоғары жауапкершілі, кәсібилігі және көшбасшылық қасиеттерімен ерекшеленді.
Компаниядағы жұмыс кезеңінде Ержан Қадырұлы Қазақстан Республикасының Қарулы Күштеріне отын жеткізуді ұйымдастыруда басты тұлғалардың біріне айналды. Ол келісімшарттарды дайындаудан бастап, мұнай өнімдерін соңғы тұтынушыларға жеткізуге дейінгі барлық негізгі кезеңдерге белсене қатысады. Оның жауапкершілігіне ілеспе құжаттарды рәсімдеу, серіктестермен өзара әрекеттесу және әрбір жеткізілімнің сапа және уақыт стандарттарына сай болуын бақылау кіреді.
«Біздің жұмысымызда ұсақ-түйек деген болмайды — әрбір деталь маңызды. Біз елдің күштік құрылымдарын жанар-жағармаймен қамтамасыз етеміз, бұл бізге ерекше жауапкершілік жүктейді. Әр шешім нақты, әр әрекет уақытылы болуы керек. Мен үшін ең үлкен артықшылық — нақты үдеріс ішінде болу мүмкіндігі: заманауи әскери техниканы көру, оқу-жаттығуларға қатысу, өз ісінің кәсіби мамандарымен жұмыс істеу. ҚМГ-Аэро ұжымына қосылған сәттен бастап, команданың ұйымшылдығының қаншалықты маңызды екенін сезіндім — бізде шынайы өзара көмек пен бауырластық рухы бар», — дейді Ержан.
