«ҚазМұнайГаз – Аэро» ЖШС мен «Қорқыт Ата» әуежайы» АҚ Қызылорда қаласының халықаралық әуежайында әуе кемелеріне «қанатқа» дейін жанармай құю қызметін көрсету бойынша екіжақты келісімшартқа қол қойды.
Бұл ынтымақтастық – «ҚазМұнайГаз – Аэро» компаниясының Қазақстанның стратегиялық маңызы бар әуежайларында өз қызмет аясын кеңейту бағытындағы кезекті маңызды қадамы. Компания сапа, қауіпсіздік және сенімділік талаптарына сай жоғары деңгейде қызмет көрсетуді қамтамасыз ете отырып, ел аумағындағы ірі авиациялық инфрақұрылым объектілерімен табысты жұмыс істеуді жалғастырып келеді.
Жаңа әріптестік Қызылорда өңіріндегі әуе көлігі саласының дамуына серпін беріп, жолаушылар мен әуе компаниялары үшін қызмет көрсету сапасын арттыруға бағытталған. Сонымен қатар, ол өсіп келе жатқан жолаушылар ағыны мен өңірлік әуе тасымалына деген сұранысты тиімді қанағаттандыруға мүмкіндік береді.
«Қорқыт Ата» халықаралық әуежайы Еуропа мен Азияны байланыстыратын маңызды халықаралық аэронавигациялық бағыттардың қиылысында орналасқан және Қазақстанның оңтүстігі мен батысындағы ірі көлік хабы болып табылады.
Әуежайдың негізгі техникалық сипаттамалары:
• Ұшу-қону жолағы: 2 700 м × 45 м, жасанды жабын
• ICAO санаты: I
• Әуе кемелерінің көпшілігін қабылдауға қабілетті
• IATA және ICAO халықаралық стандарттарына сәйкес салынған заманауи жолаушылар терминалы
• Жаңа багаж жүйесі, телескопиялық баспалдақтар, жолаушыларға арналған лифтілер, Duty Free дүкені, демалыс және тіркеу аймақтары
• Сағатына 250 жолаушыға дейін қызмет көрсету мүмкіндігі
• Мүгедектігі бар азаматтарға толық жағдай жасалған
• Кедендік және шекаралық бақылау
• Ішкі және халықаралық бағыттар: Астана, Алматы, сондай-ақ Анталияға чартерлік рейстер
