2025 жылдың 12–15 мамыры аралығында Әзірбайжан астанасы Баку қаласында азаматтық авиацияда жанармаймен қамтамасыз етуді дамыту мәселелерін талқылауға арналған негізгі алаңдардың бірі болып табылатын IATA Aviation Energy Forum халықаралық форумы өтті.
Форум жұмысына халықаралық және ұлттық әуе тасымалдаушыларының, авиациялық отын жеткізушілерінің, трейдингтік компаниялардың және саланың басқа да өкілдерінің қатысуымен өтті.
Іс-шара аясында «КМГ-Аэро» ЖШС атынан бизнесті дамыту бөлімінің басшысы Темірлан Шекимов сөз сөйлеп, «Қазақстан Республикасында тұрақты авиациялық отынды (SAF) енгізу перспективалары» тақырыбында баяндама жасады.
Өз сөзінде ол SAF дамыту жобасының қазіргі іске асырылу барысын, соның ішінде:
• алдын ала техникалық-экономикалық негіздеме (алдын ала ТЭН) және SAF-ты ұлттық авиация саласына енгізу әлеуетін талдау бойынша атқарылған жұмыстарды;
• халықаралық серіктестер — LanzaJet және BioOperations компанияларымен бірлесіп жүзеге асырылып жатқан Alcohol-to-Jet технологиясын қолдана отырып, тереңдетілген техникалық-экономикалық негіздеме (ТЭН) әзірлеу кезеңінің басталғанын атап өтті.
Форум барысында «КМГ-Аэро» ЖШС-нің қолданыстағы серіктестерімен бірқатар жұмыс кездесулері, сондай-ақ авиациялық отын жеткізу және тұрақты энергетикалық шешімдерді жүзеге асыру саласындағы өзара іс-қимылды жалғастыру мәселелері бойынша әлеуетті әріптестермен келіссөздер өткізілді.
