«ҚазМұнайГаз-Аэро» ЖШС мен «Түркістан халықаралық әуежайы» АҚ әуе кемелерін «ұшақтың қанатына» жанармаймен қамтамасыз ету бойынша қызмет көрсету туралы шарт жасасты
«ҚазМұнайГаз-Аэро» жауапкершілігі шектеулі серіктестігі мен «Түркістан халықаралық әуежайы» акционерлік қоғамы Түркістан қаласының әуежайында әуе кемелерін «ұшақтың қанатына» жанармаймен қамтамасыз ету қызметін көрсету туралы шартқа қол қойды.
Аталған ынтымақтастық әуе кемелеріне қызмет көрсету сапасын арттыруға, тұрақты әуе рейстерін қамтамасыз етуге және өңірдің авиациялық инфрақұрылымын дамытуға бағытталған. Жанармай құю заманауи технологияларды қолдана отырып, халықаралық қауіпсіздік пен сенімділік стандарттарына сай жүзеге асырылады.
Түркістан халықаралық әуежайының негізгі техникалық сипаттамалары:
•Ұшу-қону жолағы: 3 300 м × 45 м, жабыны – жасанды
•ИКАО санаты: I
•Әуе кемелерінің көпшілігін қабылдау мүмкіндігі
•Заманауи инфрақұрылым: IATA және ICAO халықаралық стандарттарына сәйкес салынған жолаушылар терминалы
•Жаңа багажды өңдеу жүйесі, тіркеу аймағы, телескопиялық траптар, лифтілер, Duty Free аймағы және күту залдары
•Жолаушылар өткізу қабілеті – сағатына 450 адамға дейін
•Мүгедектігі бар адамдар үшін толық қолжетімділік
•Кедендік және шекаралық бақылау жүзеге асырылады
•Астана, Алматы, Ыстамбұл, Самарқанд, Абу-Даби бағыттарына, сондай-ақ чартерлік рейстер бойынша халықаралық және ішкі әуе қатынастары орындалады.
